嘩，其實我最近也不算很忙，但就是提不起勁寫這個blog。一來我花了不少時間在那個英文樹洞，二來為了結婚的事有點煩，不要說未跟家人協商，就連自己也未決定好想怎樣做。
我本來想回香港注冊，然後最多只攪一個極小型的午餐buffet招待至親好友，連地方也找了(IFC的一家餐廳)。但對於午餐buffet這回事，我還是不知應不應該做。我本人其實不太介意做，但也不太介意不做。本來覺得做了就大家都歡喜，自己開心，人家也高興。但後來又想，這種只能招待五六十人的小型派對，可能難逃人多口雜人言可畏的後果。
我個人其實很喜歡那餐廳的，雖不大但很decent，有三面落地大窗加維港風景加大平台，但我不知其他人怎樣看或怎樣說，可能沒有三三十圍酒席就等於很窮很寒酸? 我本人不介意別人的想法，但不想我父母或男友父母感到難看。而且攪這種 lunch buffet，少說也要三四萬，我不想攤開手問人家拿人情贊助我結婚，但要自己自掏腰包出錢出力換來閒這閒語我又實在不想。但在香港注冊若不見見親友我怕會有點說不過…
所以我們現在又考慮，不如三月中先到美國注冊，然後月底回香港吧。到時只見見親戚吃一兩餐便飯，或者也可以吧? 我們現在還未決定，只是開始搜集資料，看看virgin和BA到美國的機票酒店套餐…
但無論如何，我們三月底或四月那段時間都會回香港去探望父母，我也要再辦英國簽證。另外，我想去找一個幾天短程的所謂 mini honeymoon 啊。
因為不想用減肥作為題目，所以索性叫「無題」好了。
ok，今日開始減肥啦。
減肥其實不是為了拍婚妙照，只是因為… 本人心直口快的朋友甚多，以現在的情況，回香港時勢必有不少人老實地說我過去兩年肥了很多云云。為了堵著別人的口，唯有先堵著自己的口，少吃一點好了。
剛才中午食M&S的湯再加一個麵包。好好飲啊，是buttercup squash湯啊! 而且因為麵包浸湯後脹大，所以十分撐胃。今晚嘛，希望盡量不吃重澱粉質的主食，例如米同飯，只吃肉類和菜。我幾乎可以寫包單這個diet是萬無一失的 — 唯一失敗的可能是我自己忍不住口。
另外，我們暫時決定不會找人拍婚妙照，反而有興趣自己拍拍。當然人家專業的一定拍得很美，我們自己的可能不及，但拍得太美相片修飾得太多，不是會反而認不出自己嗎? 好吧，我承認我孤寒好了。拿一大筆錢去找人拍照片，不如我拿那堆錢買部新相機好了。我看中了新一代的1D啊…
先此聲明，其實S不是那種裙腳仔型男生。起碼，跟我從前認識的男生或cousins相比，他真的絕對不是。結婚雖說是兩個人的事，但若不想將來幾十年都「面阻阻」，有些人有些事免不過要處理的。
(1)
「你同左你媽咪講話我地唔會擺酒架呵?」
「講左架啦，我媽咪話不如攪個dinner食餐飯咁囉。」
「啊，咁都ok… 唔係喎，你d咩咩澳洲人最鍾意downplay 所有野，你講清楚先，癲拿，癲咩拿先?」
「我媽咪話，可以幫我地攪個dinner喎… 之後收返d錢扣返開支之後俾我地喎…」
「咩咩咩收返d錢呀，收咩返咩d咩錢呀??? 咁同擺酒有咩分別呀，係咪唯一分別就係我唔駛一晚換七套衫同著裙褂咋? 我唔擺酒架喎… 」
(2)
「我媽咪話香港好多地方都可以注冊喎。」
「係呀，好似話求其(求其?!)有個律師定唔知牧師做證婚就得嘛，但都要排期申請架!」
「同埋我媽咪話可以上網交表。」
「係呀，但好似只係上網約時間，之後都係要親身去，同埋我地兩個都唔係香港總之就唔得啦。」
「啊…」
「嘩，你媽咪都做左好多research喎，我好驚呀…」
「er.. er… 唔會的，你都知我媽咪最鍾意上網睇呢睇路架啦…」
(3)
「我媽咪話問下你媽咪有咩要求喎。」
「要求? 咩咩咩要求呀?」
「即係好似咩禮金嗰d囉。」
「下，乜呢個年代仲有呢d野架? 係咪即係要買斷我同埋我第時個cashflow，唔俾我俾錢屋企人呀?」 「唔係呀…」
「咁你點同你媽咪講呀? 你冇幫我拒絕呀嘛? 你有冇話等我今晚問下先再答覆佢? 而家賣女咁大件事喎，我問清楚阿媽先… 」
(4)
「我媽咪問我你針唔針茶喎。」
「針茶? 針咩茶呀。針茶遞水做阿四那種?!」
「唔係呀唔係呀，即係倒茶給長輩嗰種。」
「車，硬係明啦，講下笑之嘛。但我地不打算唔擺酒又唔打算做乜，點解要junp茶呀。」
「er.. 」
「得，冇問題。針，一定針，令你阿媽同佢阿媽即你婆婆高興的事，我唔會唔做的。我唔會俾理由令人地唔鍾意我的。」
(5)
「話時話，你媽咪仲有幾多野先。仲同你講左咩呀? 佢知我地唔擺酒架嘩?」
「有呀，佢話都係同d親戚食餐飯就得…」
「我知呀，食飯之嘛，都應該。當係你見下d親戚囉… 」
「佢話同佢d親戚食一餐，同daddy d 親戚食一餐… 兩餐唔可以一齊食喎..」
「嘩，駛唔駛呀? 咁唔爭在同我d親戚都食一餐啦? 仲好，同我d親戚食嗰餐，我唔要食中菜，我要搵間decent 少少的意大利餐廳… 」
我們打算結婚了。
正所謂己所不欲，勿施於人。那些人見人憎的大龍鳳舖張之事，我們不做了。
因為我們沒有那種「一輩子未當過主角情意結」，所以要以一世人一次的理由不熟不食或不熟的都照食的去逼迫親戚朋友贊助自己做show。
因為我們朋友親戚不多，時間金錢也不多，那些煩文縟節，可免則免吧。
不過是簽個字而已。反正是兩個人的事，要做的不過是通知父母，讓他們見過面。
就是這樣了。
Comments (15) 
